NËNTOR - DHJETOR 2020

RRJETI SHËNON 5 VJETORIN E KRIJIMIT

Më 11 dhjetor ANRD shënoi 5-vjetorin e themelimit të vet! Eshtë momenti të reflektojmë mbi punën tonë dhe të festojmë arritjet e ANRD si një zë i fortë në zhvillimin e qëndrueshëm rural në Shqipëri. ANRD ka realizuar nisma të rëndësishme advokacie për politika efektive që janë më pranë banorëve të komuniteteve rurale, hartuar, kuptuar dhe zbatuar së bashku me njerëzit në territor. Për të arritur këtë, ANRD është përpjekjur të marë një rol aktiv në proceset reformuese të sektorit të bujqësisë dhe zhvillimit rural, veçanërisht në përafrimin me politikën evropiane të Zhvillimit Vendor të Udhëhequr nga Komuniteti. Në këtë ditë të veçantë, dëshirojmë të lajmërojmë se ANRD në bashkëpunim me Universitetin Bujqësor të Tiranës do të organizojnë Parlamentin e Dytë Rural Shqiptar më 3-5 mars 2021. Ju presim për të shënuar një tjetër arritje në përpjekjet tona të përbashkëta në zhvillimin e qëndrueshëm rural. [Lexo këtu për 5 vitet ANRD]

QENDRA BURIMORE PËR TË RINJTË RURALË
- 1 VIT AKTIVITET

📌Në kuadër të nismave të ndërmarra nga të rinjtë, nxënës nga Gjimnazi ‘Isa Boletini’, Vorë zhvilluan një aktivitet dy ditor për prezantimin e praktikave të mira lokale mbi guidat turistike. Rezultati i pritshëm i eventit ishte forcimi i grupeve të të rinjve dhe aftësive të tyre për të ndikuar si nxitës të ndryshimit në procesin lokal të zhvillimit për vlerësimin e territorit. Për Ditën Botërore të Maleve, më 11 dhjetor 2020, u bë lançimi i aktivitetit udhërrëfyes, simbolika e të cilit lidhet me një emër që ngjall entuziazëm - ANRD Youth Hub, i jetësuar një vit më parë. E tanishmja kërkon momentum të ri në përvjetorin e krijimit të Rural Youth Hub dhe Youth Hub po ecën në rrjedhën e saj, duke shtuar në përmbajtjen e vet të rinj plot shpresë. [PËRVJETORI I PARË]

KOVAT BLU ||
DORCAS SHQIPËRI

Nisma “Kovat Blu” e ndërmarrë nga Fondacioni Dorcas Aid International është një fushatë dedikuar mobilizimit të komunitetit për të sjellë në vëmendje nevojat e të moshuarve në kushte të vështira jetese! 370 kova të mbushura me ushqime ju shpërndanë të moshuarve në prag festash në kuadër të projektit Adopto një Gjysh – Rrjetet Komunitare të Sigurisë. Me moton “Së bashku mund të sjellim ndryshim” organizata Dorcas nxit njerëzit për të dhënë kontributin e tyre në ndihmë të nismës. [Vizitoni faqen në Facebook të nismës]

SHIJA E VERIUT || Reggio Terzo Mondo (RTM)

SHIJA E VERIUT - Në Zbulim të Produkteve dhe Territorit me një Klik. Falë Projektit “Aleanca për Zhvillimin dhe Vlerësimin e Bujqësisë Familjare në Veri të Shqipërisë” , zbatuar nga Volontari nel Mondo RTM, mund të gjeni online faqen e internetit të markës ‘Shija e Veriut’ e cila mbledh dhe përcjell informacione dhe kontakte rreth ofertave agro-ushqimore, natyrore dhe turistike të bashkive Vau Dejës, Pukë dhe Fushë Arrëz në Veri të Shqipërisë. Për më shumë, vizitoni faqen e webit të [Shija e Veriut] ose klikoni mbi foto për të përdorur QR Scan!

WEBINAR “Tendencat dhe zgjidhjet rurale” || PREPARE

Me kënaqësi sjellim në vëmendjen tuaj raportin mbi Webinarin "Tendencat dhe Zgjidhjet Rurale". Nga po shkon "ruralja"? A po kthehet urbanizimi në ruralizim? Webinari përpiqet të shqyrtojë tendencat, koston e tyre dhe gatishmërinë e menaxhimit të ndryshimit në politikë dhe vendimmarrje. Gjithashtu u diskutuan tranzicioni dixhital dhe teknologjik si faktorët kryesorë për të ardhmen e Evropës Rurale si edhe mundësitë, pengesat dhe shpërndarja e barabartë. [Gjeni lajmin e plotë], bashkë me prezantimet e webinar.

DIPLOMACIA PUBLIKE
– NJË DIMENSION I RI

Fondacioni për Politikat Zhvillimore në Poloni në partneritet me Rrjetin Shqiptar për Zhvillimin Rural organizoi një seri webinar-esh shumë interesante për axhendën rurale me titull: "Suksesi i Sipërmarrjeve Polake". Tematikat përfshinë: Mekanizmat mbështetëse (grante); Modele strukturash; Bio-çertifikimi; Brandimi; Teknologjia dhe Inovacioni; Siguria Ushqimore; Rrjetëzimi. Në dhjetor u zhvilluan dy intervista me ekspertë polakë të publikuara në portalet shqiptare. Ndiqni njërën me DibraON dhe më pas kaloni tek tjetra me Info Elbasani!

VIZITA STUDIMORE
E RRZHR I KOSOVËS

Në datat 4 – 6 Nëntor 2020, Rrjeti Shqiptar për Zhvillimin Rural, mirëpriti në një vizitë studimore Rrjetin për Zhvillim Rural të Kosovës. Programi nis në Dajç, Zadrimë, në një takim prezantues mbi burimet njerëzore të territorit nga COSPE. Dita e dytë vazhdoi me nisjen drejt qytetit të trëndafilave, Përmetit për njohjen me stafin dhe veprimtarinë e Cesvi Albania në zhvillimin e qëndrueshëm lokal. Në ditën e tretë, Elona Bejo tregoi mbi historinë mahnitëse të Fermës Grand Albanik. Shoqërues i grupit nga ANRD: Gent Imeraj. [Shiko postimin]

Aktivitetet e Ardhshme

Bëhuni pjesë e aktiviteteve të ndryshme në nivel kombëtar dhe rajonal dedikuar zhvillimit rural. Në këtë rubrikë, JU do të njiheni me mundësira të ndryshme. Jeni të mirëpritur për të marrë pjesë, kontribuar dhe ekspozuar aftësitë dhe njohuritë tuaja në këto aktivitete.


IPARD II Thirrja e Tretë për Aplikime deri më 25 Janar 2021 Agjencia për Zhvillim Bujqësor dhe Rural ka çelur thirrjen e tretë për aplikime në Programin IPARD II. Në këtë thirrje financohet Masa 1 dhe Masa 3. Kohëzgjatja e dorëzimit të aplikimeve do të jetë deri në 25 Janar 2021. Dorëzimi i aplikimeve do të bëhet pranë zyrave qendrore të AZHBR në Tiranë, por edhe me postë rekomande. Informacionet e nevojshme dhe formularët e aplikimit i gjeni në faqen zyrtare të AZHBR - www.azhbr.gov.al Aplikime të suksesshme!	NAGE Thirrje Për Konkurs Gazetarie deri në 18 Janar 2021 Projekti NAGE hap një Thirrje për konkurim për mediat dhe gazetarët e pavarur për hulumtimin dhe promovimin e praktikave më të mira të bizneseve rurale të gjelbra ose jo të dëmshme nga pikëpamja mjedisore. Projekti motivon dhe inkurajon gazetarët ose mediat që të konkurojnë me shkrime gazetareske të reja kërkimore, të pabotuara, në fushën e ekonomisë së gjelbër, vetëm në formën e shkruar, të pasuruara me fotografi / ilustrime. [Shiko thirrjen]	Rrugëtim Parlamenti II Rural Shqiptar 3-5 Mars 2021 I artikuluar si një ide në 2016, “Parlamenti Rural” u shndërrua në një projekt ku të gjithë filluan të besojnë e tashmë po nis të kthehet në një praktikë gjithëpërfshirëse për të nxitur dhe ndërmarrë nga poshtë lart reforma të domosdoshme që synojnë rigjallërimin dhe rilindjen e zonave rurale. Në vijim të Parlamentit I Rural (shtator 2017), ANRD në bashkëpunim me UBT do organizojnë Parlamentin II Rural Shqiptar më 3-5 mars 2021 [Na ndiqni online]