+355 (04) 2400241 info@anrd.al

PARLAMENTI II RURAL SHQIPTAR 2020

PERSPEKTIVA EUROPIANE E SHQIPËRISË RURALE

Parlamenti Rural Shqiptar (PRSH) është nismë e Rrjetit Shqiptar të Zhvillimit Rural (ANRD) dhe përfaqëson një platformë advokacie, ndërtimi të kapaciteteve dhe rrjetëzimit dedikuar zhvillimit rural.

Në vijim të Parlamentit I Rural Shqiptar (shtator 2017) dhe, në përgjigje të sfidave aktuale të zhvillimit bujqësorë dhe rural, ANRD në bashkëpunim me Universitetin Bujqësor të Tiranës (UBT) organizojnë Parlamentin II Rural Shqiptar, 2-3 Prill 2020.

Kliko për të lexuar të plotë platformën e Parlamentit të Dytë Rural Shqiptar.

FORUMET RURALE RAJONALE 

Në kuadër të Parlamentit II Rural Shqiptar (2-3 prill 2020), Rrjeti Shqiptar i Zhvillimit Rural (ANRD) do të organizojë katër Forume Rurale Rajonale përgjatë muajit Mars. Katër forumet do të organizohen në mënyrë të njëpasnjëshme për të gjeneruar momentumin për Parlamentin e dytë Rural Shqiptar më 2-3 prill, i cil do të përmbyll përpjekjet advokuese të aktorëve të interesit në të gjitha nivelet.

Katër Forumet rurale rajonale synojnë të bëjnë bashkë përfaqësuesit e institucioneve publike dhe të shoqërisë civile, shoqatave të fermerëve dhe grupeve prodhuese, grupeve të grave dhe të rinjve ruralë, qytetarë aktivë e të tjerë të interesuar për të influencuar agjendën rurale kombëtare për të reflektuar nevojat, prioritetet dhe interesat e aktorëve vendorë dhe të komuniteteve rurale sipas rajoneve të vendit.

Kalendari  dhe detajet e tjera të forumeve:

1. Forumi Rural Rajonal i Drinit (qarqet Shkodër, Lezhë, Kukës) do të organizohet në qytetin e Lezhës (në ambientet e Junik sh.p.k) ditën e premte, 6 mars 2020.

FTESA E FORUMIT TË DRINIT

DRAFT AGENDA E FORUMIT TË DRINIT

2. Forumi Rural Rajonal i Arbërit (qarqet Tiranë, Durrës, Dibër) do të organizohet në qytetin e Durrësit (në ambientet e Universitetit “Aleksandër Moisiu” Durrës) ditën e premte, 13 mars 2020. PEZULLUAR

3. Forumi Rural Rajonal i Vjosës (qarqet Vlorë, Fier, Gjirokastër) do të organizohet në qytetin e Vlorës (TBD) ditën e premte, 17 mars 2020. PEZULLAR

4. Forumi Rural Rajonal i Egnatias (qartqet Korçë, Elbasan, Berat) do të organizohet në qytetin e Korçës (në ambientet e Universitetit “Fan S. Noli”) ditën e premte, 20 mars 2020. PEZULLUAR