Titulli i trajnimit: Strategjitë e advokimit për të rinjtë në zhvillimin rural
Në kuadër të projektit Rural Albanian Youth (Rural You)- Rrjeti Shqiptar për Zhvillimin Rural (ANRD) hap Thirrjen për Pjesëmarrje në Trajnimin 3 ditor nën temën: “Strategjitë e advokimit për të rinjtë në zhvillimin rural ”. Trajnimi do të zhvillohet nga data 11-14 tetor 2023 në Tiranë.
Ky trajnim ka si synim fuqizimin e pjesëmarrësve të rinj në nxitjen e ndryshimeve pozitive në komunitetet rurale. Qëllimi i trajnimit është të pajisë të rinjtë me njohuritë, aftësitë dhe instrumentet e nevojshme për angazhim aktiv në përpjekjet efektive të avokimit drejt zhvillimit të qëndrueshëm rural.
Nga trajnimi do të merren njohuri mbi avokimin, proceset e bërjes së politikave, analizën e politikave publike, strategjitë efektive të avokimit dhe komunikimin. Përveç kësaj, trajnimi fokusohet në bashkëpunimin, ndërtimin e partneritetit dhe rrjetëzimin.
Thirrja për pjesëmarrje në këtë trajnim është e hapur për të rinjtë nga zonat rurale, të cilët janë entuziast për të kontribuar në zhvillimin rural.
Target i këtij trajnimi janë 10-15 përfaqësues të rinj nga e gjithë shqipëria që dëshirojnë të jenë aktiv në politikbërjen bujqësore dhe zhvillimit rural.
Personat e interesuar janë të ftuar të aplikojnë duke plotësuar Formën e Aplikimit brenda datës 27 shtator 2023. Vetëm aplikantët e përzgjedhur do të kontaktohen brenda datës 30 shtator 2023.
Shpenzimet e transportit, akomodimit dhe ushqimit gjatë ditëve të trajnimit do të mbulohen nga organizatorët.
Këtu do të gjeni më shumë informacion rreth trajnimit
Trajneri: Matteo Bartolini është Zëvendës Presidenti Kombëtar i CIA- Agricoltori italiani, një nga shoqatat profesionale më të rëndësishme për fermerët në Evropë.
Pas diplomimit për Ekonomi dhe Tregti, në vitin 2004, Bartolini filloi fermën e tij ku u shtoi kulturave tradicionale kultivimin e tartufit, të kryer me metoda eksperimentale në bashkëpunim me Universitetin e Perugias.
Pas disa eksperiencave në AGIA (Shoqata Italiane e Fermerëve të Rinj), midis 2013 dhe 2015 ai ishte President i CEJA (Këshilli Evropian i Fermerëve të Rinj), i cili përfaqëson 2 milionë fermerë të rinj në Evropë që i përkasin 30 organizatave bujqësore nga 24 shtete anëtare.
Që nga viti 2021 është Përfaqësues i Cia – Agricoltori Italiani në Organizatën Botërore të Fermerëve.
Formimi i tij akademik dhe profesional do të jetë i disponueshëm për të rinjtë shqiptarë gjatë tre ditëve të trajnimit mbi strategjitë e avokimit në zhvillimin rural në Tiranë.
Ky trajnim i dedikohet grupit te perzgjedhur te te rinjve per te rritur aftesite e tyre advokuese dhe ne te njejten kohe te rrise njohurite ne fushen e agrokultures europiane dhe instrumentat politike dhe financiare te orientuar drejt rinise rurale..
“Strategjitë e advokimit për të rinjtë në zhvillimin rural”- AGJENDA (draft)
|
Dita e parë |
Hyrje në Advokimin për Zhvillimin Rural | |
| Sesioni 1 | Konceptet dhe parimet e advokimit për Zhvillimin Rural
|
|
| Sesioni 2 | Mënyrat e advokimit | |
|
Dita e dytë |
Praktikat më të mira të Advokimit Rural në Bashkimin Evropian | |
| Rasti i parë Studimi | Advokaci për Mirëqenien Bujqësore | |
| Rasti i dytë Studimi | Promovimi i Qëndrueshmërisë Mjedisore Rurale | |
|
Dita e tretë |
Hartimi i Planit të Advokimit të Zhvillimit Rural
|
|
| Sesioni 1 | Analiza e kontekstit dhe identifikimi i objektivave të advokimit | |
| Sesioni 2 | Zhvillimi i Planit të Advokimit të RYH | |
Plotësoni Formën e Aplikimit duke kikuar këtu.