Një paketë e plotë trajnimi e hartuar për të mbështetur mësuesit dhe edukatorët në përfshirjen e agroekologjisë në praktikën e tyre mësimore. Programi ndërthur njohuritë teorike, shembujt praktikë dhe metodat pjesëmarrëse, me synimin për të forcuar kompetencat në fushën e agroekologjisë dhe aftësitë për zhvillimin dhe përshtatjen e kurrikulave mësimore.
 
Programi është i strukturuar në tre njësi mësimore:
 
Njësia Mësimore 1 – Kuptimi i bazave teorike të agroekologjisë: Trajton dimensionet mjedisore, social-kulturore, ekonomike dhe politike të agroekologjisë, si dhe sfidat me të cilat përballen sistemet ushqimore sot.
 
Njësia Mësimore 2 – Zbatimi praktik i parimeve të agroekologjisë: Sjell shembuj konkretë, praktika të mira dhe aktivitete praktike, të cilat mund të përshtaten dhe zbatohen në shkolla dhe qendra të formimit profesional.
 
Njësia Mësimore 3 – Qasjet pjesëmarrëse dhe angazhimi i komunitetit: Ofron mjete dhe metodologji për përfshirjen e aktorëve lokalë në hartimin e kurrikulave dhe zhvillimin e aktiviteteve edukative.