ANRD shpall thirrje për ekspertë të jashtëm për të mbështetur vlerësimin teknik dhe financiar të aplikimeve për Nëngrante në kuadër të projektit “Akademia nga Ferma në Tryezë”.
Qëllimi i thirrjes
Ekspertët do të luajnë një rol kyç në përzgjedhjen e projekteve më cilësore, të cilat do të mbështeten nga Fondi i Akademisë nga Ferma në Tryezë për të nxitur bujqësinë e qëndrueshme dhe zhvillimin rural në Shqipëri.
Profili i ekspertëve
Kriteret kryesore për përzgjedhjen e ekspertëve:
– Diplomë universitare në bujqësi, zhvillim rural, shkenca mjedisore, ekonomi ose fusha të ngjashme
– Përvojë të paktën 5-vjeçare në vlerësimin e projekteve, menaxhimin e granteve apo programet e zhvillimit rural
– Njohuri mbi politikat e BE-së për zhvillimin rural, Green Deal dhe strategjinë Farm to Fork
– Aftësi të shkëlqyera analitike dhe raportimi
– Përvojë me organizatat e shoqërisë civile në Shqipëri është një avantazh
Afati i aplikimit:
Thirrja do të jetë e hapur deri më 15 prill 2025.
Si të aplikoni?
Kandidatët e interesuar duhet të dërgojnë CV-në e përditësuar, propozimin ekonomik, një letër interesi si dhe dy referenca në adresën: office@anrd.al.
Për entitetet e regjistruara kërkohet gjithashtu ekstrakti i Qendrës Kombëtare të Biznesit.
Për më shumë detaje mbi rolin dhe kriteret e përzgjedhjes, ju lutemi konsultoni dokumentin e plotë të thirrjes më poshtë.
Bashkohuni me ne për të mbështetur zhvillimin e bujqësisë së qëndrueshme dhe fuqizimin e komuniteteve rurale!