ANRD është e lumtur të njoftojë pjesëmarrjen në një projekt të ri: “Sowing AgroEcological Education in the VET sector (SEEDS)”
Projekti SEEDS, bashkëfinancuar nga Bashkimi Evropian në kuadër të ERASMUS-EDU-2024-CB-VET (Nr. i Projektit: 101183285), ka si synim kryesor integrimin e prakitkave agroekologjike dhe të bujqësisë së qëndrueshme në programet e arsimit dhe formimit profesional. Ky projekt adreson humbjen e biodiversitetit nga bujqësia industriale, shpopullimin e zonave rurale dhe zbehjen e teknikave tradicionale bujqësore. Shumë modele bujqësore nuk ofrojnë qasje praktike dhe të përshtatura me kushtet lokale, duke kufizuar përfshirjen e të rinjve në zbatimin e teknikave të agroekologjisë. Nga ana tjetër, monopolizimi i industrisë së farave rrezikon fermerët e vegjël dhe sovranitetin ushqimor.
SEEDS ka në fokus dhe sfida të tjera me të cilat përballen zonat rurale, veçanërisht në Ballkanin Perëndimor, ku migrimi i të rinjve dhe braktisja e sektorit të bujqësisë rrezikojnë humbjen e praktikave tradicionale. Duke nxitur të mësuarit ndërmjet brezave dhe agroekologjisë së bazuar në komunitet, ky projekt do të sigurojë që praktikat e qëndrueshme të mbeten aspekte kyçe në arsimin profesional dhe tregun e punës.
Partnerët e projektit SEEDS janë nga Italia, Greqia, Franca, Shqipëria, Kosova dhe Bosnja & Hercegovina dhe do të bashkëpunojnë për të zhvilluar kurrikula që integrojnë agroekologjinë, trajnime mbi aftësitë e gjelbra dhe angazhimin e aktorëve në vendet përkatëse:
- CESIE (Itali)
- EUROTRAINING (Greqi)
- SMOC (Bosnje dhe Hercegovinë)
- Universum College (Kosovë)
- ANRD (Shqipëri)
- LIVNO (Bosnje dhe Hercegovinë)
- SYNCNIFY (Francë)
Qëllimet kryesore
- Forcimi i kapaciteteve të institucioneve të arsimit dhe formimit profesional (VET) në bujqësinë e qëndrueshme, duke integruar parimet agroekologjike në kurrikula, pajisur nxënësit me aftësi të gjelbra dhe promovuar sovranitetin ushqimor.
- Hartimi i kurrikulave me pjesëmarrje nga poshtë-lart, të orientuara drejt praktikës si një mënyrë për të përafruar më mirë arsimin profesional me nevojat e tregut të punës.
- Krijimi i një qasje gjithëpërfshirëse dhe shumëaktoriale për përfshirejen e agroekologjisë në sistemin e edukimit dhe promovimin e zhvillimit të qëndrueshëm rural.
- Të kontribujë në avancimin e prioriteteve të BE-së mbi qëndrueshmërinë mjedisore dhe ekonominë qarkulluese, me fokus të veçantë në vendet e Ballkanit Perëndimor.
Në këtë projekt, Rrjeti Shqiptar për Zhvillimin Rural do të sjellë përvojnën në zhvillimin e komuniteteteve rurale, duke luajtur një rol të rëndësishëm në analizimin e kontekstit lokal dhe integrimin e qasjes LEADER në zhvillimin e kurrikulave me pjesëmarrje.